പൊഴുതന : 10,000 രൂപയ്ക്ക് രണ്ട് മാസം പ്രായമുള്ള കുഞ്ഞിനെ അമ്മ തിരുവനന്തപുരം സ്വദേശികൾക്ക് വിറ്റു. വിൽപനയ്ക്ക് ഇടനിലക്കാരനായി പ്രവർത്തിച്ച ആശാവർക്കർ ഉഷ (സീമ), കുട്ടിയുടെ അമ്മ, അമ്മൂമ്മ , കുട്ടിയെ സ്വീകരിച്ച തിരുവനന്തപുരം സ്വദേശികളായ ദമ്പതികൾ എന്നിവർക്കെതിരെ വൈത്തിരി പോലീസ് കേസെടുത്തു. ആഗസ്ത് 11ന് വയനാട്ടിൽ നിന്ന് കുട്ടിയെ തിരുവനന്തപുരത്തേക്ക് കൊണ്ടുപോയി.ഞായറാഴ്ചയാണ് വൈത്തിരി പോലീസ് അമ്മയെയും കുഞ്ഞിനെയും വയനാട്ടിലെത്തിച്ചത്. സി.ഡബ്ല്യു.സി.യുടെ സംരക്ഷണയിലാണ് കുട്ടി.
പൊഴുതന പഞ്ചായത്ത് രണ്ടാം വാർഡ് പിണങ്ങോട് ഊരംകുന്നിൽ താമസിക്കുന്ന യുവതിയുടെ രണ്ട് മാസം പ്രായമുള്ള ആണ് കുഞ്ഞിനെയാണ് വിറ്റത്. ഒരാഴ്ചയോളമായി കുഞ്ഞിനെ കാണാനില്ലെന്ന രഹസ്യവിവരം ലഭിച്ചതിനെ തുടർന്ന് 18-ന് ചൈൽഡ് വെൽഫെയർ കമ്മിറ്റിക്ക് (സി.ഡബ്ല്യു.സി.) പോലീസ് റിപ്പോർട്ട് നൽകി. സി.ഡബ്ല്യു.സി. ചെയർമാൻ ജോസ് കണ്ടിലിൻ്റെ പരാതിയിൽ കേസെടുത്ത് അന്വേഷണം ആരംഭിച്ചു. പിന്നീട് കുട്ടിയെയും അമ്മയെയും തിരുവനന്തപുരത്ത് കണ്ടെത്തി. കുഞ്ഞിനെ തിരുവനന്തപുരം സ്വാദേശികളായ സീരിയൽ നടി മായ സുകുവിനും ഭർത്താവ് സ്വദേശി സുകുവിനും കൈമാറുകയായിരുന്നു .ആരോഗ്യമിഷൻ ജില്ലാ പ്രോഗ്രാം മാനേജർ ആശ വർക്കർ ഉഷയെ അന്വേഷണ വിധേയമായി സസ്പെൻഡ് ചെയ്തതു .
ദമ്പതികളോട് വൈത്തിരി പോലീസ് സ്റ്റേഷനിൽ ഹാജരാകാനും ആവശ്യപ്പെട്ടിട്ടുണ്ട്. അന്വേഷണം പുരോഗമിക്കുകയാണെന്നും പ്രതിക്ക് നോട്ടീസ് അയക്കുമെന്നും പോലീസ് അറിയിച്ചു.
യുവതി ഭർത്താവുമായി പിരിഞ്ഞു ജീവിക്കുകയായിരുന്നു . അത്തിമൂലയിൽ വാടകയ്‌ക്കായിരുന്നു ഇവർ താമസിച്ചിരുന്നത്. ഈ വാർഡിൻ്റെ ചുമതലയുള്ള ആശാ വർക്കറായിരുന്നു ഉഷ .
